پوهنتون غالبِ هرات در پیوند به تفاهم‌نامۀ هم‌کاری بین نهادهای دولتی و این پوهنتون، به تاریخ ۲ و ۳ دلو ۱۴۰۲، کارگاه آموزشی دو روزۀ “پلان‌گذاری استراتژیک” را برای کارمندانِ اداره‌های دولتی این ولایت برگزار نمود.
در مراسم اختتامیۀ این کارگاه آموزشی، پوهاند نجیب‌الله فریور، مشاور عمومی پوهنتون غالب و تعدادی از آمران و کارمندان اداره‌های دولتی ولایت هرات حضور داشتند و از برگزارکننده‌گان این برنامه تقدیر به‌عمل آوردند.
اشتراک‌کننده‌گان این کارگاه در دو روز با اصول “پلان‌گذاری استراتژیک” آشنایی لازم را حاصل نمودند.
این کارگاه آموزشی دو روزه توسط محمدشریف طهیر، استاد پوهنځی اقتصاد پوهنتون غالبِ ولایت هرات ارائه گردید.
ـــــــــــــــــــــــــــــــــــــــــــــــــــــــــ
چهارشنبه، ۴ دلو ۱۴۰۲ هـ.ش/ ۱۳ رجب ۱۴۴۵
